ہم سے مسلم بن ابراہیم نے بیان کیا، کہا ہم سے ہشام دستوائی نے بیان کیا، کہا ہم سے قتادہ نے بیان کیا، اور ان سے انس بن مالک رضی اللہ عنہ نے کہ نبی کریم صلی اللہ علیہ وسلم نے اپنی زرہ جَو کے بدلے گروی رکھی تھی۔ ایک دن میں خود آپ کے پاس جَو کی روٹی اور باسی چربی لے کر حاضر ہوا تھا۔ میں نے خود آپ صلی اللہ علیہ وسلم سے سنا تھا۔ آپ صلی اللہ علیہ وسلم فرما رہے تھے کہ آل محمد پر کوئی صبح اور کوئی شام ایسی نہیں آئی کہ ایک صاع سے زیادہ کچھ اور موجود رہا ہو، حالانکہ آپ کے نو گھر تھے۔

ہم سے مسدد نے بیان کیا، انہوں نے کہا ہم سے عبدالواحد بن زیاد نے بیان کیا، انہوں نے کہا کہ ہم سے اعمش نے بیان کیا کہ ہم نے ابراہیم نخعی رحمہ اللہ کے یہاں قرض میں رہن اور ضامن کا ذکر کیا تو انہوں نے کہا کہ ہم سے اسود نے بیان کیا اور ان سے عائشہ رضی اللہ عنہا نے بیان کیا کہ نبی کریم صلی اللہ علیہ وسلم نے ایک یہودی سے غلہ خریدا ایک مقررہ مدت کے قرض پر اور اپنی زرہ اس کے ہاں گروی رکھی تھی۔

ہم سے علی بن عبداللہ نے بیان کیا، کہا ہم سے سفیان بن عیینہ نے بیان کیا کہ عمرو بن دینار نے بیان کیا کہ میں نے جابر بن عبداللہ رضی اللہ عنہما سے سنا وہ کہہ رہے تھے کہ رسول اللہ صلی اللہ علیہ وسلم نے فرمایا کعب بن اشرف ( یہودی اسلام کا پکا دشمن ) کا کام کون تمام کرے گا کہ اس نے اللہ اور اس کے رسول کو بہت تکلیف دے رکھی ہے۔ محمد بن مسلمہ رضی اللہ عنہ نے کہا کہ میں ( یہ خدمت انجام دوں گا ) چنانچہ وہ اس کے پاس گئے اور کہا کہ ایک یا دو وسق غلہ قرض لینے کے ارادے سے آیا ہوں۔ کعب نے کہا لیکن تمہیں اپنی بیویوں کو میرے یہاں گروی رکھنا ہو گا۔ محمد بن مسلمہ اور اس کے ساتھیوں نے کہا کہ ہم اپنی بیویوں کو تمہارے پاس کس طرح گروی رکھ سکتے ہیں جب کہ تم سارے عرب میں خوبصورت ہو۔ اس نے کہا کہ پھر اپنی اولاد گروی رکھ دو۔ انہوں نے کہا کہ ہم اپنی اولاد کس طرح رہن رکھ سکتے ہیں اسی پر انہیں گالی دی جایا کرے گی کہ ایک دو وسق غلے کے لیے رہن رکھ دیے گئے تھے تو ہمارے لیے بڑی شرم کی بات ہو گی۔ البتہ ہم اپنے ہتھیار تمہارے یہاں رہن رکھ سکتے ہیں۔ سفیان نے کہا کہ لفظ «لأمة» سے مراد ہتھیار ہیں۔ پھر محمد بن مسلمہ رضی اللہ عنہ اس سے دوبارہ ملنے کا وعدہ کر کے ( چلے آئے اور رات کو اس کے یہاں پہنچ کر ) اسے قتل کر دیا۔ پھر نبی کریم صلی اللہ علیہ وسلم کی خدمت میں حاضر ہوئے اور آپ صلی اللہ علیہ وسلم کو خبر دی۔

ہم سے ابونعیم نے بیان کیا، کہا کہ ہم سے زکریا بن ابی زائدہ نے بیان کیا، ان سے عامر شعبی نے اور ان سے ابوہریرہ رضی اللہ عنہ نے کہ نبی کریم صلی اللہ علیہ وسلم نے فرمایا گروی جانور پر اس کا خرچ نکالنے کے لیے سواری کی جائے، دودھ والا جانور گروی ہو تو اس کا دودھ پیا جائے۔

ہم سے محمد بن مقاتل نے بیان کیا، کہا ہم کو عبداللہ بن مبارک نے خبر دی، انہیں زکریا نے خبر دی، انہیں شعبی نے اور ان سے ابوہریرہ رضی اللہ عنہ نے بیان کیا کہ رسول اللہ صلی اللہ علیہ وسلم نے فرمایا، گروی جانور پر اس کے خرچ کے بدل سواری کی جائے۔ اسی طرح دودھ والے جانور کا جب وہ گروی ہو تو خرچ کے بدل اس کا دودھ پیا جائے اور جو کوئی سواری کرے یا دودھ پئے وہی اس کا خرچ اٹھائے۔

ہم سے قتیبہ بن سعید نے بیان کیا، کہا ہم سے جریر نے بیان کیا، ان سے اعمش نے، ان سے ابراہیم نے، ان سے اسود نے اور ان سے عائشہ رضی اللہ عنہا نے بیان کیا کہ رسول اللہ صلی اللہ علیہ وسلم نے کچھ مدت ٹھہرا کر ایک یہودی سے غلہ خریدا اور اپنی زرہ اس کے پاس گروی رکھی۔

ہم سے خلاد بن یحییٰ نے بیان کیا، کہا ہم سے نافع بن عمر نے بیان کیا، ان سے ابن ابی ملیکہ نے کہ میں نے عبداللہ بن عباس رضی اللہ عنہما کی خدمت میں ( دو عورتوں کے مقدمہ میں ) لکھا تو اس کے جواب میں انہوں نے تحریر فرمایا کہ نبی کریم صلی اللہ علیہ وسلم نے فیصلہ کیا تھا کہ ( اگر مدعی گواہ نہ پیش کر سکے ) تو مدعیٰ علیہ سے قسم لی جائے گی۔

ابو وائل سے روایت ہے کہ عبداللہ (بن مسعود) نے فرمایا: جس نے کسی کا مال ہتھیانے کے لیے جھوٹی قسم کھائی وہ اللہ سے ملے گا اور اللہ اس سے ناراض ہوگا۔ اللہ تعالیٰ نے اس بات کی تصدیق کے لیے درج ذیل آیت نازل فرمائی:-"بے شک وہ لوگ جو اللہ کے عہد اور ان کی قسموں کی قیمت پر معمولی منافع خریدتے ہیں... دردناک عذاب۔" (3.77) اشعث بن قیس ہمارے پاس آئے اور پوچھا کہ ابو عبدالرحمٰن (یعنی ابن مسعود رضی اللہ عنہ) تم سے کیا بیان کر رہے ہیں، ہم نے ان سے قصہ سنایا، اس پر انہوں نے کہا کہ اس نے سچ کہا ہے۔ یہ آیت میرے بارے میں نازل ہوئی۔ میرا ایک دوسرے آدمی سے کنویں کے بارے میں کچھ جھگڑا ہوا اور ہم نے رسول اللہ صلی اللہ علیہ وسلم کے پاس مقدمہ کیا۔ رسول اللہ صلی اللہ علیہ وسلم نے فرمایا کہ دو گواہ پیش کرو، ورنہ مدعا علیہ کو حلف اٹھانے کا حق ہے۔ میں نے کہا، 'مدعا علیہ کو جھوٹی قسم کھانے میں کوئی اعتراض نہیں ہوگا۔ پھر آپ صلی اللہ علیہ وسلم نے فرمایا: جس نے جھوٹی قسم کھائی کہ کسی کا مال ہڑپ کر لے وہ اللہ سے ملے گا، اللہ اس سے ناراض ہو گا۔ اللہ تعالیٰ نے پھر وہ چیز نازل فرمائی جو اس کی تصدیق کرتی ہے۔‘‘ اشعث نے پھر درج ذیل آیت کی تلاوت کی: ’’بے شک! جو لوگ اللہ کے عہد اور ان کی قسموں کی قیمت پر معمولی منافع خریدتے ہیں۔ . . (کرنا) . . ان کے لیے دردناک عذاب ہو گا۔ (3.77) (دیکھئے حدیث نمبر)

عبداللہ بن مسعود رضی اللہ عنہ کہتے ہیں کہ جس نے کسی کا مال ہتھیانے کے لیے جھوٹی قسم کھائی وہ اللہ سے ملے گا اور اللہ اس سے ناراض ہو گا۔ اللہ تعالیٰ نے اس بات کی تصدیق کے لیے درج ذیل آیت نازل فرمائی:-"بے شک وہ لوگ جو اللہ کے عہد اور ان کی قسموں کی قیمت پر معمولی منافع خریدتے ہیں... دردناک عذاب۔" (3.77) اشعث بن قیس ہمارے پاس آئے اور پوچھا کہ ابو عبدالرحمٰن (یعنی ابن مسعود رضی اللہ عنہ) تم سے کیا بیان کر رہے ہیں، ہم نے ان سے واقعہ بیان کیا تو انہوں نے کہا کہ اس نے سچ کہا۔ یہ آیت میرے بارے میں نازل ہوئی۔ میرا ایک دوسرے آدمی سے کنویں کے بارے میں کچھ جھگڑا ہوا اور ہم نے رسول اللہ صلی اللہ علیہ وسلم کے پاس مقدمہ کیا۔ رسول اللہ صلی اللہ علیہ وسلم نے فرمایا کہ دو گواہ پیش کرو، ورنہ مدعا علیہ کو حلف اٹھانے کا حق ہے۔ میں نے کہا، 'مدعا علیہ کو جھوٹی قسم کھانے میں کوئی اعتراض نہیں ہوگا۔ پھر آپ صلی اللہ علیہ وسلم نے فرمایا: جس نے جھوٹی قسم کھائی کہ کسی کا مال ہڑپ کر لے وہ اللہ سے ملے گا، اللہ اس سے ناراض ہو گا۔ اس کے بعد اللہ تعالیٰ نے اس چیز کو نازل فرمایا جو اس کی تصدیق کرتی ہے۔ جو لوگ اللہ کے عہد اور ان کی قسموں کی قیمت پر معمولی منافع خریدتے ہیں۔ . . (کرنا) . . ان کے لیے دردناک عذاب ہو گا۔ (3.77) (دیکھئے حدیث نمبر 546)