انس بن مالک سے روایت ہے کہ رسول اللہ صلی اللہ علیہ وآلہ وسلم نے فرمایا کہ اچھا خواب نیک بخت آدمی کا نبوت کا ایک جز ہے چھیالس جزوں میں سے ۔ ابوہریرہ رضی اللہ تعالیٰ عنہ نے رسول اللہ صلی اللہ علیہ وآلہ وسلم سے ایسا ہی روایت کیا ہے ۔

انہوں نے مجھ سے مالک کی سند سے، ابو حازم بن دینار سے، ابو ادریس خولانی کی روایت سے، انہوں نے کہا: میں دمشق کی مسجد میں داخل ہوا، تو دیکھا کہ ان دونوں میں سے ایک نوجوان روشن تھا، جب لوگ اس کے ساتھ تھے، اگر ان میں کسی بات میں اختلاف ہوا تو انہوں نے اسے اس کی طرف منسوب کر دیا، اور میں نے اس کے بارے میں یہ کہا، اور میں نے اس سے انحراف کیا۔ معاذ بن جبل۔ اگلے دن میں نے ہجرت کی تو میں نے دیکھا کہ وہ ہجرت میں مجھ سے سبقت لے گئے ہیں اور میں نے اسے نماز پڑھتے ہوئے پایا - اس نے کہا - تو میں اس کا انتظار کرتا رہا یہاں تک کہ وہ نماز سے فارغ ہو گئے، پھر میں اس کے پاس آیا ان کے چہرے سے پہلے میں نے اسے سلام کیا، پھر میں نے کہا: خدا کی قسم میں تم سے خدا کی خاطر محبت کرتا ہوں۔ اس نے کہا خدا کی قسم تو میں نے کہا خدا کی قسم۔ اس نے کہا خدا کی قسم تو میں نے کہا خدا کی قسم۔ اس نے کہا خدا کی قسم اور میں نے کہا خدا کی قسم۔ اس نے کہا: چنانچہ اس نے میری چادر پکڑی اور مجھے اپنی طرف کھینچا اور کہا کہ خوشخبری سنا دو کیونکہ میں نے رسول اللہ صلی اللہ علیہ وسلم کو یہ فرماتے ہوئے سنا ہے کہ: ’’خدائے بزرگ و برتر نے فرمایا: میری محبت ان لوگوں پر واجب کی گئی ہے جو میری خاطر ایک دوسرے سے محبت کرتے ہیں، اور جو میری خاطر ایک دوسرے سے محبت کرتے ہیں، اور جو میری خاطر ایک دوسرے سے ملاقات کرتے ہیں، اور جو میری خاطر ایک دوسرے سے محبت کرتے ہیں۔ مجھ میں

ابوہریرہ رضی اللہ تعالیٰ عنہ سے روایت ہے کہ رسول اللہ صلی اللہ علیہ وآلہ وسلم جب فارغ ہوتے صبح کی نماز سے تو فرماتے کہ تم میں سے کسی نے رات کو کوئی خواب دیکھا ہے اور فرماتے کہ میرے بعد نبوت میں سے کچھ باقی نہ رہے گا سوائے اچھے خواب کے ۔

عطاء بن یسار سے روایت ہے کہ رسول اللہ صلی اللہ علیہ وآلہ وسلم نے فرمایا کہ میرے بعد نبوت میں سے کچھ نہ رہے گا مگر مبشرات، صحابہ نے عرض کیا یا رسول اللہ صلی اللہ علیہ وآلہ وسلم مبشرات کیا ہیں؟ آپ صلی اللہ علیہ وآلہ وسلم نے فرمایا اچھے خواب جس کو نیک بخت آدمی دیکھے یا دوسرا اس کے واسطے دیکھے یہ جز ہے نبوت کے چھیالیس جزوں میں سے ۔

ابو قتادہ بن ربعی سے روایت ہے کہ رسول اللہ صلی اللہ علیہ وآلہ وسلم فرماتے تھے کہ اچھا خواب اللہ کی طرف سے ہے اور برا خواب شیطان کی طرف سے تو جب کوئی تم میں سے برا خواب دیکھے تو چاہئے کہ بائیں طرف تھتکار دے تین بار اور پناہ مانگے اللہ سے اس کے شر سے پھر وہ اس کو نقصان نہ پہنچائے گا اگر اللہ چاہئے ابوسلمہ نے کہا پہلے میں خواب ایسے دیکھتا جن کا بوجھ میرے اوپر پہاڑ سے بھی زیادہ رہتا جب سے میں نے اس حدیث کو سنا ان کی کچھ پرواہ نہیں کرتا ۔

عروہ بن زبیر کہتے تھے کہ یہ جو اللہ جل جلالہ نے فرمایا ان کے واسطے خوشخبریاں ہیں دنیا میں بھی اور آخرت میں بھی اس سے مراد نیک خواب ہیں جس کو آدمی خود دیکھے یا کوئی اس کے واسطے دیکھے ۔

ابوموسی اشعری سے روایت ہے کہ فرمایا رسول اللہ صلی اللہ علیہ وآلہ وسلم نے کہ جس نے چوسر کھیلا تو اس نے نافرمانی کی اور اللہ اور اس کے رسول کی ۔

حضرت ام المومنین عائشہ رضی اللہ تعالیٰ عنہا سے روایت ہے کہ ان کے گھر میں کچھ لوگ رہا کرتے تھے آپ صلی اللہ علیہ وآلہ وسلم نے سنا ان کے پاس شطرنج ہے تو کہلا بھیجا کہ شطرنج کو تم دور کر دو میرے گھر سے نہیں تو میں تم کو اپنے گھر سے نکال دوں گا اور برا جانا اس کو۔

عبداللہ بن عمر رضی اللہ تعالیٰ عنہ جب اپنے گھر والوں میں سے کسی کو شطرنج کھیلتے دیکھتے تو اس کو مارتے اور شطرنج کو توڑ ڈالتے کہا یحیی نے سنا میں نے مالک سے شطرنج کھلینا بہتر نہیں ہے نہ اس میں کوئی فائدہ بھلائی ہے اور مکروہ جانتے تھے اس کو اور سنا میں نے مالک سے کہتے تھے شطرنج کھلینا اور لغو بے ہودہ کھیل سب مکروہ ہیں اور پڑھتے تھے اس آیت کو پس کیا ہے بعد حق کے سوائے گمراہی کے ۔